— Нұрсұлтан Әбішұлы Назарбаев телекөпір арқылы ел экономикасына серпін беретін кәсіпорындарды іске қосты. Солардың бірі Түркістан қаласында орналасқан түйе сүтін өңдейтін зауыт.Қазақстан мен Қытай мемлекеттері арасындағы ынтымақтастық меморандум негізінде құрылған кәсіпорынның ашылу рәсіміне облыс әкімі Жансейіт Түймебаев пен зауыт директоры Янг ДЖИ қатысты.
Айта кетейік, бұл кәсіпорын 2015-2019 жылдарға арналған Индустриалды-инновациялық даму бағдарламасы шеңберінде іске асыру көзделген 51 жобаның бірі. Облыста түйе сүтін өңдейтін алғашқы кәсіпорын жылына 2500 тонна өнім өңдеуге қауқарлы. Инвестициялық жоба құны 7,45 млрд. теңгені құрайды. Зауытта 85 адам жұмыспен қамтылған. Мұнда түйе сүтінен диабетпен ауыратындарға арналған таблетка, косметика, түрлі дәммен жасалған йогурттар, құрғақ таблеткалар өндірілетін болады.
— Бүгін Астананың төріндегі Ақордада «Айғақ» телеарнасының бас редакторы Тойболова Салтанат Хайруллақызы Қазақстан Республикасы Үкіметінің «Дарын» мемлекеттік жастар сыйлығымен марапатталды. Бұл марапатты Түркістан облысы бойынша журналистер арасында бағындырған қаламгерлердің бірі — «Айғақ» телеарнасының қызметкері болып отыр.
— Бірыңғай жинақтаушы зейнетақы қоры тиімді ме? Бейнеттің зейнетін көретін шақта оның артықшылығы неде? Дөңгелек үстелге жиналғандар бүгін жинақтаушы зейнетақы жүйесін жан жақты талқылады. «Нұр Отан» партиясының Шымкент қаласындағы филиалында осы мәселені қозғап, оң шешімін тапты.
— Арыс қалалық білім бөліміне қарасты №1 Ережепбай Молдабаев атындағы жалпы орта мектебінде 1147 бала білім алуда . 2011 жылы жүйелі түрде жұмысын бастаған оқу ордасы біршама жетістіктерге жетіп отыр. Яғни, балалардың сапалы білім алуы үшін жаңа компьютерлермен жабдықталып оқушыларда білім биігінен көрінуде.
— Шымкент қаласындағы №63-ші бөбекжай- балабақшасының тәрбиешілері бүлдіршіндерді жан-жақты етіп дамытудың жаңа әдістерін қолға алған. Ол үшін мекемеде арнайы семинар өткізіп, біліктілікті арттыру шаралары өткізілуде. Кезекті шараға Олимп шыңын бағындырған, спорт майталманы Ермахан Ибраимов та қатысты. Олимпиада чемпионы мекеме ұжымын салауатты өмір салтын ұстана отырып, тәрбие мен спорттың үндестігін қалыптастыруға шақырды.
— «Көк арал» жалпы орта мектебінің атауы қайта өзгертілді. Ордабасы ауданы Төрткүл ауылындағы мектепке, тарих ғылымдарының докторы, профессор Бәйдібек Ахметұлы Төлеповтың есімі беріліп отыр. Мектеп қабырғасында өткен айтулы іс-шараға ғалымның жұбайы, көзін көрген замандастары мен шәкірттері қатысты.
