— ҚР Тұңғыш Президент күнінде Шымкент қаласының тарихы ерекше оқиғалармен толықты. Бұл күні қала тұрғындары мен қонақтарына арналған, шаһардағы тұңғыш арбаттың лентасы қиылып, пайдалануға берілді. Шымшаһардағы аты да заты да ерекше саябақтың ашылу салтанатына Түркістан облысының әкімі Жансейіт Түймебаев, Шымкент қаласының әкімі Ғабидолла Әбдірахымов және халық қалаулылары қатысты.
— Үшінші мегаполис Шымқалада тұңғыш президенткүні ерекше сарында тойланды. Бұл күні қаламыздың белсенді жас буын өкілдері бас қосып, «Домбыра party» флешмобын ұйымдастырса, түрлі салада көп жылдар бойы тынымсыз еңбек еткен алдыңғы буын ағалар «Астана қаласына 20 жыл» мерекелік төсбелгісімен марапатталды.
— Белгілі журналист, жазушы, «Алғабас» газетінің бас редакторы, Қазақстан Журналистер одағынның мүшесі Абзал Әлішерұлы Әділбеков биыл асқаралы 60 жасқа толып отыр. Осыған орай Бәйдібек аудандық орталық кітапханасының ұйымдастыруымен арнайы кездесу ұйымдастырылып, онда қаламгердің «Шаяннан шыққан қос батыр» атты кітабының таныстырылымы өтті. Жазушылықпен қатар журналистік жұмысты қатар алып жүрген Абзал Әлішерұлымен кездесуге бұл күні жастар қауымы мен зиялы қауым өкілдері жиналды.
— Елімізде тиым салынған және дәстүрлі емес діни ағымдардың алдын алу бүгінгі таңда басты міндеттердің бірі. Осыған орай облыс әкімі Жансейіт Түймебаевтың тапсырмасымен құрылған «Дәстүрлі құндылықтар» керуені аудан қалаларды аралап халықпен кездесіп жүр. Мұндағы мақсат азаматтарымыздың өзге діни ағымдардың арбауында кетпесі үшін бүгінгі жастардың діни сауаттылықтын арттырып дұрыс бағыт-бағдар беруге бағытталған. Сондықтан келелі кездесу бұл жолы Бәйдібек ауданында ұйымдастырылса, онда «Дін мәселелерін зерттеу орталығының теологтары баяндама жасады.
— Жоспарлы кестеге сәйкес Бәйдібек аудандық полиция бөлімінің бастығы, полиция полковнигі Даул Панзабеков аудан тұрғындары алдында өз есебін берді. Жиынға аудан прокуроры, аудандық мәслихат депутаттары, ауылдық округтің әкімдері, аудандық дербес бөлім және мекеме басшылары, қоғамдық кеңес мүшелері, ауылдық округтердегі ардагерлер кеңесінің төрағалары қатысты. Мәжіліс барысында Даул Төребекұлы көпшілік алдында «2018 жылғы 10 айдың қорытындысымен бөлімнің алда атқаратын жұмыстары, міндеттері жайында» баяндама жасады. Оның айтуынша аудан көлемінде қылмыстың барлық түрі өткен жылмен салыстырғанда төмендегені байқалады. Бастысы ауыр және аса ауыр қылмыс азайған. Бұл ретте мінбеге шығып сөз алған азаматтар да полиция қызметкерлерінің 10 айда атқарған жұмыстарына оң баға беріп, ұсыныс-пікірлерін білдіріп жатты. Ал есепті жиынды аудан әкімі Бақытбек Танагөзов қорытты.
— Түркістан облысына қарасты Сайрам ауданында орналасқан №6 негізгі орта мектеп-интернатының іргесі 1959 жылы қаланған. Жалпы 200 балаға шақталған білім ордасында, бүгінде 180-ге жуық оқушы бар.
— Арыс қаласында қуаты жылына 14 мега килоВат болатын күн электр станциясы салынбақ. Франциялық инвесторлар тартылған бастаманың алғашқы құрылыстары басталып кеткен. Күн көзінен электр энергиясын өндіретін компания 2019 жылдың 4 тоқсанында ,яғни тамыз айында іске қосылмақ. Сонымен қатар, компания қызметкерлері, біліктілікті арттыра отырып, күннен келетін қаутты жылына 20 мега киловатқа дейін жеткізуді жоспарлап отыр.
— Мемлекет басшысының «Ұлы даланың жеті қыры» атты мақаласы өткенді ұмыттырмай, тарихты қайта жаңғырту болды. Сондай-ақ халықтың тарихи санасын қалыптастыруға үлкен әсерін тигізді. Солардың бірі Арыс қаласының зиялы қауым өкілдірі. Мақаламен жіті танысқан азаматтар , енді оны қарапайым халыққа насихаттау үстінде.
— 2019 жыл «Жастар жылы» деп аталуына байланысты Арыс қаласының барлық жастары Дендросаябаққа 2019 түп ағаш екті. Көшеттерді отырғызып, қаланы көркейтуге жастармен бірге зиялы қауым өкілдері де атсалысты. Игі бастама соңы ақсақалдардың батасымен, жастардың ән шашуымен аяқталды.
«Айғақ-ақпарат».
