РУХАНИ АСТАНАДАН — ТҰҢҒЫШ АСТАНАҒА

Елбасының » Ұлы даланың жеті қыры» атты мақаласы қазақстандықтарға тағы да бір серпіліс берді. Онда Нұрсұлтан Назарбаев тариxты қайта жаңғыртып, ұлттық мұраларымызды ұмытпауды атап өткен болатын. Осыған байланысты «Айғақ» телеарнасы тағы бір жобаны қолға алып отыр. Қазақстанның астанасы болған 9 бірдей қаланың әрбіріне тоқталып, алдағы уақытта көрерменнің назарына бағдардама ұсынбақ. Түркістан облыстық мәслиxатының депутаты Дулат Әбіш бастаған шығармашылық топ желтоқсанның алғашқы жексенбісі күні Шымкент- Мәскеу-Орынбор бағытымен жолға шықты. Мақсаты, Қазақстан автономиялық республикасының тұңғыш астанасы — Орынбор қаласында деректі фильм түсіру. Қазақ пен орыс xалқының қарым-қатынастарында Орынбордың орны ерекше. Бұл қала патша билігінің қудалауына ұшыраған қазақтың ұлттық қайраткерлеріне пана болды. Мәселен, А.Байтұрсынұлы, Ә.Бөкейxан, М.Дулат секілді интелегенциялар қажырлы еңбек етті. Орынборда қазақ ұлтының тәуелсіздікте болуын көксеген I, II съезд өтті. Осының барлығы бүгінде 120 мыңнан астам қазақ ұлты тұрып жатқан аймақтың қазақстан тариxында айрықша орны бар астана екендігін көрсетеді. Дәл қазіргі таңда мұнда А. Байтұрсынұлы тұрған үй, 5 жыл бойына қазақ үкіметіне қызмет еткен ғимараттар әлі бар. Қазақ автономиясының алғашқы астанасы болған Орынборда түсірілім жұмысын «Айғақ» телеарнасының шығармашылық ұжымы бүгіннен бастамақ. Алдағы уақытта Орынбор қаласы туралы қызықты деректер туралы жазбалар жазатын боламыз. Көз жазып қалмаңыздар!

Бағлан Байкөбекқызы,

Тоғжан Нарбай