Close Menu
"Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    • Біз туралы
    • Жарнама
    • Байланыс
    Facebook YouTube Instagram Telegram TikTok Threads WhatsApp
    "Айғақ"  ақпараттық порталы"Айғақ"  ақпараттық порталы
    • Басты бет
    • Жаңалықтар
      • Саясат
      • Қоғам
      • Экономика
      • Мәдениет
      • Әлеумет
      • Тарих
      • Боздақтар
      • Спорт
      • Денсаулық
    • Жобалар
    • Сұхбат
    • Айғақ MEDIA
      • Фотогалерея
      • Бейнематериалдар
    • Аймақтар
      • Шымкент
      • Түркістан
      • МӘДЕНИ АСТАНА
    live
    • Біз туралы
    • Жарнама
    • Байланыс
    "Айғақ"  ақпараттық порталы"Айғақ"  ақпараттық порталы
    Facebook Instagram YouTube Telegram TikTok Threads WhatsApp
    Home»Айғақ MEDIA»Жаңалықтар. 15 қараша, 2018 жыл
    Айғақ MEDIA

    Жаңалықтар. 15 қараша, 2018 жыл

    Айғақ медиаАйғақ медиа24.11.2018339 Views

    — Түркістан облысының әкімі Жансейіт Түймебаев жастарға жол сілтеді. «Терең тарихтан – жарқын болашаққа» деген тақырып аясында жиын өткізіп, республика деңгейінде пікірсайыс басталды. Үш күнді қамтитын бұл жарыста жеңімпаздар қаржылай сыйлыққа қол жеткізбек. Бейресми кездесу кезінде Түркістан облысының әкімі жастарға кеңес айтты. «Жаттанды сөйлеп, жаңылтпашпен жұртты жаңылдыруды тоқтату керек» дейді. «Шын көңілден шыққан сөз жүрекке жетеді» деп шындықты қатты айтты.

    —  Қараша  айының 15-ші жұлдызы күні «Қазақстан мен Өзбекстан өңіраралық ынтымақтастығының І форумы»  аясында  көршілес елден арнайы делегация келді. Өзбекстанның 200-ге жуық халық қалаулылары мен кәсіпкерлерін вокзал маңынан Шымкент қаласы әкімінің орынбасары Данат Жумин бастаған әкімдіктің өкілдері қазақы салт дәстүрмен  күтіп алды.

    — Үшінші мегаполисте Қазақстандағы Өзбекстан туризмі жылының жабылуына орай бизнес-форум басталды. Оның негізгі мақсаты – екі елдің туризм саласындағы жемісті ынтымақтастығын қорытындылау. Форумға қатысушылар Жібек жолы мемлекеттерінің өзара серктестігі, соның ішінде Орталық-Азия аймағының Ресей мен Еуропа елдері нарықтарында турөнімдерді таныту мәселелерін талқылады. Туризм саласын дамыту жөніндегі шаралар пысықталып, екі ел арасындағы ынтымақтастық насихатталды.

     – Қазақстан мен Өзбекстан өңіраралық ынтымақтастығының алғашқы форумы аясындағы іс шараның бірі Шымкент қаласында өткен Өзбек халқы ұлттық  тағамдарының фестивалі болатын. Яғни, бұл күні палау тағамдарымен қоса самса, ұлттық нан өнімдері әзірленіп келген қонақтарға ұсынылса, бұл күнгі форум әрмен қарай  Қазақстан және Өзбекстан елдерінде өндірілетін өнімдер көрмесіне ұласты.  Ауыл шаруашылығы мен кәсіпкерлік жеңіл өнеркәсібі мен автомобиль салалары бойынша ұсынылған көрмеге Өзбекстан тарабынан өзге көршілес бірқатар облыстардың тауар өндірушілері келіп қатысса, маңызды шараға ҚР Премьер-Министрінің бірінші орынбасары Асқар Мамин де арнайы келген.

    — Егер сіз басыңызға жұмыс таппай, шаруашылыққа жер жоқ деп жүрсеңіз… Онда Солтүстікке қоныс аударыңыз. Баспана қарастырылып, әр адам басына 85 мың теңгеден қаржы аласыз. Және өзіңіздің мамандығыңыз бойынша да жұмыс орны жеткілікті. Солтүстік Қазақстан облысының әкімі Құмар Ақсақалов Шымкент қаласына арнайы келіп, басшылық жасап отырған өлкесіне шақырды.

    — Барлық тірлікті басынан бастап, жаңадан іске кіріскен Түркістан облысында кәсіпкерлік палатасы ашылды. Салтанатты жиынға еліміздегі «Атамекен» ұлттық кәсіпкерлік палатасының басқарма төрағасы Абылай Мырзахметов және өңірлік бизнесмендер қатысты. Заманауи ыңғайлы жұмыс кеңістігі қалыптасқан палата кәсіпкерлердің жобаларын сүйемелдеп, құқықтарын қорғауға ұйытқы болмақ. Жаңа ғимараттың ішінде өзіне-өзі қызмет көрсету аймағыда ашылды. Яғни, бұрын кеңесшілердің көмегімен бизнесті қалай бастауға бағыт сұраған болсаңыз, енді онлайн режимінде мемлекеттің мүмкіндігін біліп отыруға зор мүмкіндік бар. Мұнда, кәсіп үйренемін деушілерге бизнес мектебіде жұмысын бастап кетті. Басты мақсат Түркістан облысында кәсіпкерлердің  санын көбейтіп, инвестиция бойынша келіссөздерді күшейту.

    — Өзбекстан мен Қазақстанның бірлігі мен достығын бұқпасыз баяндайтын «Бауырлас ел» деректі фильмінің тұсаукесері аптаның сәтті күні сәрсенбісіде өткен болатын. Аталған фильмнің салтанатты таныстырылымынан соң бауырлас елдің тараптары Оңтүстік Қазақстан Мемлекеттік Педагогикалық университетінің белсенді жастарымен және орлардың тыныс-тіршілігімен танысты. Кездесу барысында студенттер қонақтармен еркін пікір алмасып, өз ойларын жеткізді.

    — Мегаполисте «Халықаралық білім беру жәрмеңкесінің» көрмесі өтті. Жалпы бұл көрмеге 40 елден 200-ге жуық университет өкілдері қатысуда. Ал, арнайы Шымкент қаласында 96 жоғары оқу орнынан келген 150 шетелдік өкілдер қатысты. Олардың ішінде 60 пайызы Қазақстандық азаматтар үшін тегін тұратын орын мен шәкіртақы  беруге дайын болып отыр.

    — Облыстық тері–венерологиялық аурулар диспансерінде псориаз ауруының алдын алу және емдеу бойынша белгілі профессормен кездесу өтті. Яғни Алматы қалалалық медицина академиясының кефедра меңгерушісі, профессор әрі тері-венерологиялық ғылыми зерттеу институтының бас маманы Қалдыкүл Сайлауова қажетті кеңестерімен бөлісті. Айта кету керек қазіргі таңда әлем халықтарының 5 пайызы псориаз ауруымен ауырады. Созылмалы тері дертінің бұл түрі жас талғамайды. Тіпті жаңа туылған нәрестеден бапстап таяққа сүйенген қарттың да аталмыш аурумен ауыруы мүмкін. Дегенмен бұл емі жоқ дерт емес, жазып алуға болатын ауру. Осы тұрғыда аурухана дәрігерлері және науқастармен кездескен профессор тері ауруын тиімді емдеу жолдарына кеңінен тоқталды. Бұл тұрғыда қабыршақты теміреткінің емі және пайда болу себептері де жан-жақты баяндалған басқосудың әсіресе науқастар үшін тиімділігі мол болмақ. Осылай деген сала мамандары профессорлардан кеңес алуға арналған мұндай маңызды кездесулердің облыстық тері-венерологиялық аурулар  диспансерінде бірнеше жылдан бері тұрақты түрде ұйымдастырылып келе жатқандығын айтады.

     

    Share. Facebook Twitter Pinterest LinkedIn Email VKontakte Telegram WhatsApp Copy Link
    Айғақ медиа

    Related Posts

    ПУМСЭ ТАЕКВОНДОСЫ РЕСМИ МӘРТЕБЕСІН АЛДЫ

    18.11.2026

    ҰЛТТЫҚ ВАЛЮТАҒА – 33 ЖЫЛ

    18.11.2026

    ЦИФРЛЫҚ ДӘУІРДЕГІ ЖАСТАРДЫҢ ӘЛЕУЕТІ

    18.11.2026
    Leave A Reply Cancel Reply

    ПРЕЗИДЕНТ ЖОЛДАУЫ
    ҚАЗАҚСТАН РЕСПУБЛИКАСЫНЫҢ ПРЕЗИДЕНТІ —
    ҚАСЫМ-ЖОМАРТ КЕМЕЛҰЛЫ ТОҚАЕВ

    Материалдар мен ақпараттарды портал брендін көрсетіп, гиперсілтеме жасаған жағдайда ғана қолдануға рұқсат етіледі. Ақпараттан мәтін, мәтін бөлігі немесе дәйексөз алынғанда міндетті түрде тиісті сілтеме көрсетілуі керек.

    БАЙЛАНЫС

    Мекен жайы: Қазақстан Республикасы, Шымкент қаласы, Ғ.Iляев көшесi, №29 үй
    E-mail: aigak@mail.ru
    Телефон: +77014416666

    Қазақстан Республикасы Ақпарат және Коммуникациялар министрлігі ақпарат комитетінде 2019 жылы 13 маусымда тіркеліп, № 17745 — ИА куәлігі берілген.

    Facebook Instagram Telegram YouTube TikTok Threads WhatsApp
    © 2015- 2026 . «Айғақ» ақпараттық порталы. Барлық құқықтар сақталған.

    Type above and press Enter to search. Press Esc to cancel.