Сенаттың пленарлық мәжілісінде Шымкент қаласынан сайланған Сенаторлар ант қабылдады және оларға міндеттер жүктелді.
Сатыбалды Дархан Амангелдіұлы Әлеуметтік-мәдени даму және ғылым комитетінің мүшесі болды.
1974 жылы 26 наурызда туған, қазақ, білімі жоғары. С.Сейфуллин атындағы Ақмола ауыл шаруашылық институтын, Қазақ гуманитарлық-заң университетін бітірген. Экономист-менеджер, заңгер, э.ғ.к. ҚР Премьер-Министрі Кеңсесі бөлім меңгерушісінің орынбасары, Шымкент қаласының әкімі, Оңтүстік Қазақстан облысы әкімінің бірінші орынбасары болып қызмет атқарды. «Құрмет» орденімен, «Ерен еңбегі үшін» медалімен марапатталған.
Бекназаров Нұрлан Құдиярұлы Конституциялық заңнама, сот жүйесі және құқық қорғау органдары комитетінің мүшесі болды.
1964 жылы 12 маусымда туған, қазақ, білімі жоғары. Шымкент политехникалық техникумын, Алматы халық шаруашылығы институтын, М.Әуезов атындағы Оңтүстік Қазақстан мемлекеттік университетін, Шымкент университетін бітірген. Техник-құрылысшы, инженер-экономист, экономист-финансист, заңгер. Шымкент қалалық мәслихаты тексеру комиссиясының төрағасы, Шымкент қалалық мәслихаттың хатшысы болып қызмет атқарды. «Құрмет» орденімен марапатталған.
«Айғақ-ақпарат».
