Шағалалы Шардарада дзюдо күресінен жасөспірімдер арасында Рысбай Төлеевті еске алуға арналған XI халықаралық турнир өтті. Спорттық шараға Өзбекстан, Қырғызстан, Ресей және Қазақстан Республикасынан жалпы 300-ге жуық спортшылар қатысуда. 46-91 келі арасында өрбіген тартысты бәсекеге облыс әкімінің орынбасары және бірқатар спорт саласының майталмандарымен зиялы қауым өкілдері қатысты. Сайыс екі күнге созылды. Аталмыш спорттық шараға Түркістан облысы әкімінің бірінші орынбасары Қайрат Нүкенов, облыстық мәслихат депутаттары, Төлеби ауданының Құрметті азаматы, Самбо және Дзю до күресінен Қазақстанның Еңбек сіңірген жаттықтырушысы Жампейіс Жабаев қатысты. Турнирдің Бас демеушісі — Түркістан облыстық мәслихатының депутаты, меценат Бахытжан Серманиязов. Дзю до — жапондардың ұлттық күресі. Күрестің бұл түрі 1964 жылдан бастап Олимпиада ойындарына енген. Ал, елімізде ХХ ғасырдың 60-жылдарынан бері дамып келеді. Мақсат ТОҚСАНБАЙ.