Ел Тәуелсіздігінің 25 жылдық мерейтойы мен Ұлы Жеңістің 71 жылдығы қарсаңында Оңтүстік Қазақстан облысы, Төлеби ауданында заманауи үлгіде салынған 4 спот алаңшасы ел игілігіне тапсырылды. Жеке кәсіпкердің есебінен ашылған бұл спорт алаңшалардың екеуі ашық, ал екеуі жабық спорт алаңдары. Жасөспірімдердің бос уақыттарын тиімді өткізуіне және бұқаралық спорттың дамуына мүмкіндік жасалғанын айтқан төлебиліктер, игі бастаманы қолға алған кәсіпкерге алғыстарын білдірді. Елбасы өзінің халыққа Жолдауында тұрғындардың 30 пайызын спортқа баулу тапсырмасын орындау мақсатында ауданда бірқатар жүйелі жұмыстар атқарылуда.
Бүгінде Төлебиде спортпен тұрақты түрде шұғылданушылар саны 26 500-ге жетіп, тұрғындардың 22,5 пайызын құрап отыр. Ал ауданда жалпы 324 спорттық нысан қарқынды жұмыс жасаса, жыл соңына дейін тағыда қосымша 9 заманауи үлгідегі спорт алаңшалар іске қосылады деп күтілуде. Айта кетейік, аудан спортшылары 2015 жылы түрлі деңгейдегі жарыстарда 114 алтын медальдарға ие болса, биылғы жылдың 4 айында 128 медальға қол жеткізді.
ОҚО әкімінің баспасөз қызметі
