Ағымдағы жылдың 29-ақпанынан бастап кіріс көлемі мен абоненттік базасы бойынша Қазақстанның телекоммуникациялық нарығында көшбасшы оператор «Кселл» компаниясы Шымкентте LTE стандартының мобильдік байланысының сынамалық аймақтарын іске қосу туралы хабарлайды. LTE сынамалық аймағы орналасқан «MEGA Шымкент» сауда орталығындағы жаңа технологиялар бойынша кез-келген абонент шопинг-моллдарда орналасқан Kcell Store-де кеңестер ала алады. Төртінші буын стандартына сәйкес келетін LTE сымсыз байланыс технологиясын жаһандық деңгейде әзірлеудегі мақсаты – мәліметтерді тарату жылдамдығын арттыру. Жыл санап интернетте контент ауырлай түсуде – бейне мен аудио сапасын жақсартуда, жаңа буын сервистері пайда болуда, мысалы, мобильдік телевизия, стринингтік музыка. Жоғары қосылу жылдамдығы ауыр контентті жылдам жүктеу үшін және жүктелген файлдарды сапалы қарау және тыңдау үшін қажет.
- Біз үшін бұл ерекше күн. Өздеріңіз білетіндей, біздің компания мобильдік оператордан өз клиенттеріне өмір, жұмыс және ойын сауық үшін кешенді шешімдерді ұсына алатын әмбебап қызметтерді жеткізушіге ауысу процесінде.
Желі сапасы көңіл бөле отырып, өз желімізді ары қарай жетілдіруді жалғастырып келеміз. Бүгін біз келесі қадамды жасадық және осында, «MEGA Шымкент» орталығында LTE коммерциялық желісінің сынамалық нүктелерін іске қосып отырмыз. Бұл біздің LTE, «сынамалық» аймағымыздың бірінші іске қосылуы, мұнда клиенттер жаңа технологияны байқап, сынап көре алады және біздің тәжірибелі кеңесшілерімізден оны қалай пайдалануға болатыны туралы егжей-тегжейлі ақпаратты ала алады. Біз желіні ауқымды іске қосуды неғұрлым жоғары сапада жасау үшін, өз клиенттерімізден қолайлы болу үшін, барлық қалаған адамдардың бұл технология туралы және оны қолдайтын смартфондар туралы кез-келген ақпаратты ала алулары үшін жасадық, — дейді Кселл компаниясының Оңтүстік Қазақстан облысы филиалының директоры Жанат Жантурин тілшілерге берген сұхбатында.
LTE режимінде компанияның абоненттері бұрын қосылған интернет-қызметтер мен тарифтік жоспарларды пайдалана отырып, кез-келген Интернет ресурстарға қосыла алады. Осылайша, мобильдік интернет үшін тарифтеу абонент үшін стандартты режимінде жүргізілетін болады. Компанияның барлық соңғы тарифтік жоспарлары қандай желі болмасын LTE немесе 3G арқылы жүктелгеніне тәуелсіз, мәліметтерді тартудың үлкен көлемін пайдалануға бейімделген. «Алға» және «Алло, Қазақстан» секілді белгілі тарифтік желілер қосылған интернет-трафиктің үлкен көлеміне ие. LTE қосылу үшін компания өз абоненттеріне бұл технологияны өздерінің SIM-карталарымен қолдайтындығын тексеруге кеңес береді. Ол үшін USSD *256# командасын теру керек. Жауап хабарламада абоненттің SIM-картасының аталған технологияны қолдай ма, жоқ па, сол туралы ақпарат келеді. Егер SIM-карта LTE қолдайтын болса, онда абонентке Kcell Center немесе Kcell Store келіп, оны ауыстыру керек. Ауыстыру құны 200 теңге тұрады.
Қазақстандағы iPhon смартфондарының ресми дистрибьюторы ретінде «Кселл» компаниясы Apple корпорациясынан барлық қажетті сертификаттауды алу процесінде. Бұл осы самартфондарды компанияның абоненттерімен LTE ауқымды іске қосуда еркін және қолайлы пайдалануды қамтамасыз етуге мүмкіндік береді.
Наурыз айының соңына дейін «Кселл»Қазақстанның Астана, Алматы, Шымкент, Ақтөбе, Ақтау, Атырау, Көкшетау, Қостанай, Өскемен, Павлодар, Петропавловск және Семей секілді 12 қалаларында 40-тан астам сауда-ойын сауық орталықтарында, бизнес-орталықтарында және танымал фитнес-орталықтарында LTE сынамалық аймақтарын ашуды жоспарлап отыр.
Ұлжан НАУШАБАЕВА.
