ОҚО әкімдігіне қарасты біріңғай байланыс орталығы ашылғалы бері 2420 тұрғынға қызмет көрсеткен. Аталған сұрақтардың 731-і жылу мәселесіне қатысты болса, көгілдір отын бойынша 238, электр қуатымен қамтамасыз ету мәселесі негізінде 254, ауыз су бойынша 160, Шымкент қалалық ТҮКШ бөліміне 238, Шымкент қаласы аудандарының әкімдіктеріне 413 хабарлама жолданған. Орталық мамандары тұрғын үй-коммуналдық шаруашылық саласына қатысты шағымдарды бір тәулік ішінде қанағаттандып, жағдайды дер кезінде реттеуге атсалысуда. Қазіргі таңда бұл қызметке жүгінетіндердің басым бөлігі жылу мен көгілдір отын, ауыз судың қиындығын айтып арызданыпты. Дейтұрғанмен, жұмысын үш ай бұрын бастаған Call-орталықтың қызметіне жергілікті тұрғындар алғысын білдіруде. Байланыс орталығының мамандары бұдан былай туындаған барлық коммуналдық мәселер жөнінде облыс бойынша өтініштер қабылдайтынын айтады. Өңірдегі коммуналдық мәселелерді оңтайлы шешіп, жұмыстарды жүйелеу мақсатында барлық аудан, қалалардағы жергілікті газеттерде бірыңғай байланыс Call-орталығының 8(7252) 39-55-55 нөмірлері көрсетілген хабарландыру жарияланатын болады. Сондай-ақ, бұл орталықтың нөмірін коммуналдық түбіртектерден де таба аласыз.
