«Нұр Отан» партиясы Шымкент қалалық мәслихатына ұсынылатын азаматтардың есімі белгілі болды. Халық қалаулысына үміткерлердің тізімі партияның Шымкенттегі филиалында өткен кезектен тыс XXVI съезінде жария етілді. Күн тәртібінде сондай-ақ, саяси ұйымның сайлауалды бағдарламасы талқыланып, алдағы уақытта облыста өтетін жиынға баратын делегаттардың есімдері бекітілді. Еліміздегі жетекші партияның жуырда өткен республикалық жиынында, яғни съезде «Нұр Отан» сайлауалды бағдарламасын бекіткен болатын. Алдағы 5 жылдықтың жоспарын түзген саяси ұйым, жұмыс жасаған 17 жылында елдің әлеуетін көтеруде бірқатар көрсеткіштерге қол жеткізді. Ал 8 бөлімнен тұратын кезекті бағдарлама дағдарысты еңсеруге бағытталған. «Төртеу түгел болса, төбедегі келеді» дегендей бүгінгі заман бірігуді, ауызбіршілікте жұмыс жасауды қажет етеді. Сол себепті бір шаңырақтың түтінін түтеткен азамат ретінде елдің әлеуетін бірге көтеруге атсалысуға шақырды облыстық мәслихаттың депутаты Дулат Әбіш. Халық қалаулысы алдағы саяси науқан Қазақ елінің келешегін айқындайтын кезең деп есептейді. Сондықтан сайлаудың барынша әділ де, шынайы өткізілгені оңды.
Расымен де бірлігі бекем елдің болашағы жарқын, экономикалық ахуалы арта түсетіні мәлім. Бұл тұрғыда әсіресе, еліміздегі жетекші партияға артылар сенім мол. Ал күн тәртібіндегі келесі мәселе, алдағы болатын мәслихат сайлауына «Нұр Отан» партиясы атынан Шымкент қаласы аумағынан ұсынылатын азаматтарды белгілеу. Бұл кезекте партия атынан Шымкент қалалық мәслихатына үміткер ретінде ұсынылатын азаматтардың есімі аталды. Олардың жалпы саны 29 құрайды. Үміткерлердің кандидатурасын жиынға қатысушылар бірауыздан қолдады.
11-ақпан күні «Нұр Отан» партиясының Оңтүстік Қазақстан облыстық филилалында өңірлік жиналыс өтпек. Жиын соңында конференцияға баратын делегаттардың тізімі бекітіліп, бірауыздан мақұлданды.
Я ПОГИБ ПОД РЖЕВОМ
Ранней весной 2013 года в мой адрес поступил звонок от президента ТРК «Айгак» Абиш Дулатбека Назарбековича с...
