Бүгін, яғни 8 ақпан күні ҚР Президенті Әкімшілігінің келісімімен ОҚО әкімі Б.Атамқұловтың Өкімімен Оңтүстік Қазақстан облысы әкімінің орынбасары лауазымына Ұласбек Сәдібекұлы Сәдібеков тағайындалды. Яғни, бүгіннен бастап Ұласбек Сәдібекұлы облыс әкімінің орынбасары лауазымында әлеуметтік және идеология салаларына жетекшілік ететін болады.
Ұласбек Сәдібекұлы — 1967 жылы 12 ақпан күні Оңтүстік Қазақстан облысы, Бәйдібек ауданы, Жамбыл ауылында туған. Целиноград ауыл шаруашылығы институтын, «Қайнар» университетін бітірген. Экономика ғылымдарының кандидаты. Еңбек жолын орта мектепті бітіргеннен кейін 1983 жылы Оңтүстік Қазақстан облысы Алғабас ауданы Алғабас ауылында «Алғабас» мал бордақылау бірлестігінде жұмысшы болып бастады. 1986-1987 жылдары Кеңес әскерінің қатарында қызмет етті 1992-1993 жылдары — Ақмола қаласының Жастар істері бойынша қалалық комитетінің төрағасы, 1993-1994 жылдары — Алғабас ауданының ішкі саясат бөлімінің маманы, бас маманы, Оңтүстік Қазақстан облысы 1994-1996 жылдары — Алғабас ауданы жастар ісі, туризм және спорт бөлімінің бастығы, 1996-1998 жылдары – «Жетіген» ЖШС-нің директоры, 1998-2002 жылдары – Бәйдібек ауданы әкімінің орынбасары, 2002-2004 жылдары — Оңтүстік Қазақстан облысы әкімі аппараты әлеуметтік – мәдени кешен бөлімінің меңгерушісі, 2004-2005 жылдары — Оңтүстік Қазақстан облысы жастар ісі және ішкі саясат департаментінің бастығы, 2005-2006 жылдары – Оңтүстік Қазақстан облысы ішкі саясат департаментінің директоры, 2006-2007 жылдары –Бәйдібек ауданының әкімі, 2007-2009 жылдары — Оңтүстік Қазақстан облысы Сарыағаш ауданының әкімі, 2009-2012 жылдары – «Нұр Отан» ХДП-ның Оңтүстік Қазақстан облыстық филиалы төрағасының бірінші орынбасары қызметін атқарған Ұласбек Сәдібекұлы бұл тағайындауға дейін Қазақстан Республикасы Парламенті Мәжілісінің депутаты болған.
«Құрмет» орденімен, «10 жыл Астана», «Қазақстан Конституциясына 10 жыл», «Қазақстан Республикасының Тәуелсіздігіне 20 жыл» медальдарымен марапатталған. Оңтүстік Қазақстан облысы Бәйдібек және Сарыағаш аудандарының «Құрметті азаматы».
