Мемлекет басшысының Өкімімен Айқан Ақанұлы Ақанов С.Ж.Асфендияров атындағы Қазақ ұлттық медициналық университетінің ректоры қызметінен босатылды деп хабарлады Ақорданың баспасөз қызметі. Айта кетейік, Айқан Ақанов бұл қызметке 2008 жылы тағайындалған.
Айқан Ақанұлы Ақанов 28. 5.1951 жылы Шығыс Қазақстан облысы, Көкпекті ауданында туылған. Медицина ғылымдарының докторы, профессор, ҚР Валеология Академиясының академигі, Қазақстанның еңбек сіңірген қайраткері. Алматы мемлекеттік медицина институтын 1972 жылы және Алматы шет тілдері институтын 1984 жылы бітірген. Алматы облысы Текелі қаласында, Кеген ауданында дәрігер (1972–78), Кардиология ғылыми-зерттеу инститында кіші, аға ғылыми қызметкер, бөлім жетекшісі (1978–94), ҚР Денсаулық сақтау министрлігінің ғылымы орталығының директорының орынбасары (1994–95), басқарма бастығы (1995–96), бөлім меңгерушісінің орынбасары (1996–97), т.б., сондай-ақ ҚР Денсаулық сақтау министрлігінің вице-министрі (1997, 2004 жылдан), 2008 жылдан Қазақ ұлттық медицина университетінің ректоры қызметтерін атқарады.
