ҚР Парламенті Сенаты басшысының жаңа орынбасары болып Сергей Громов тағайындалды. Бейсенбіде өткен Палатаның алқа отырысында Сенат спикері Қасым-Жомарт Тоқаев Громовтың кандидатурасын ұсынды. Қ.Тоқаевтың айтуынша, бұған дейін вице-спикер қызметін атқарып келген Қайрат Ищанов қызметінен босату туралы өтініш жазған. 42 депутат қатысқан Палатаның алқа отырысында Сенат спикерінің ұсынысын депутаттар бірауыздан қолдады.
Сергей Громов 1959 жылы 6 қаңтарда туылған. Білімі жоғары. Жамбыл гидромелиорация-құрылыс институтын, Алматының саясаттану және басқару институтын, «Әулие-Ата» университетін бітірген. Экономика ғылымдарының кандидаты. Әр жылдары: ассистент, оқытушы, совхоз парткомының хатшысы, бас директор, аудан әкімі, Оңтүстік Қазақстан облысы әкімінің бірінші орынбасары, Президент Әкімшілігінің инспекторы, «Нұр Отан» халықтық-демократиялық партиясының Орталық аппаратының жетекшісі, «Нұр Отан» халақтық-демократиялық партия төрағасының орынбасары, «Нұр Отан» халақтық-демократиялық партиясының хатшысы, Қазақстан Республикасының Қорғаныс министрінің орынбасары болып жұмыс атқарған.
