Арман Жетпісбай «ҚазАтомпром» компаниясының жаңа басқарма төрағасы

2008-2012 жылдар аралығында Шымкент қаласын басқарған Арман Шәріпбайұлы 1971 Жамбыл облысында туылған. Білімі жоғары. 1993 жылы қазақ химия-технология институтын, 2003 жылы Т.Рысқұлов атындағы Қазақ экономика университетін инженер-құрылысшы, экономист мамандықтары бойынша бітірген. Еңбек жолын 1992 жылы қыркүйекте Шымкент қаласындағы «Стройинвест» шағын кәсіпорнында тас қалаушы болып бастаған. 1993-1998 жылдары коммерциялық құрылымдарда басшы қызметтер атқарды. 1998 жылдың ақпанынан 1999 жылдың шілдесіне дейін «Автосервис және сауда», «Алаугаз» АҚ вице-президенті, «Алаутрансгаз» ЖШС-нің, «Южгаз» ААҚ-ның, «Шымкентгаз» ЖШС-нің директоры болып еңбек етті. 1999 жылдың шілдесінен 2005 жылдың тамызына дейін «Казкоммерцбанк» ААҚ Шымкент және Қызылорда филиалдары директорының орынбасары, директоры, «Қырғызавтобанк» АҚ және «Казкоммерцбанк-Қырғызстан» ААҚ басқарма төрағасының бірінші орынбасары, Шымкент  қаласындағы «ARNA» корпорациясы» АҚ-ның басқарма төрағасы қызметтерін атқарды. 2005-2006 жылдары ОҚО-ндағы «Оңтүстік» арнайы экономикалық аймағы дирекциясы» ММ директоры, 2006 жылдың қазанынан ОҚО әкімінің орынбасары, 2008 жылдың 19 ақпанынан 2012 жылдың 24 сәуіріне дейін Шымкент қаласының әкімі қызметін атқарған.