Таяуда Малайзияның Мири қаласындағы RIAM технологиялық институтының шақыртуымен оңтүстікқазақстандық делегация аталған жоғары оқу орнына жұмыс сапарымен барып қайтты. Іс-сапардың басты мақсаты мұнай өңдеу саласындағы оффшорлық аймақтың жұмыс барысымен және ондағы білім беру жүйесімен танысу болып табылады. Негізінен, малайзиялық ЖОО инженер-механиктер мен көлік инженерлерін, құтқарушылар мен өрт сөндірушілерді, автоматтандыру мен электрлендіру мамандарын, сондай-ақ, азпаздарды дайындайды. Мұндағы оқу мерзімі 2 жыл 3 айды құрайды.Аталған институтта Малайзиялық оқу бағдарламасымен қатар, халықаралық стандарттарға кіріктірілген арнайы сертификаттарға ие британдық 8 оқу бағдарламасы (оқу мерзімі 1,5 жыл) қоса оқытылады. Аталған бағдарлама бойынша білім алатын студенттерді британдық оқытушылар бағалайды. Айта кетейік, мұнда оқитын ізденушілердің 95 пайызы жоғары бағаланады. Ұлыбритания университетінің сертификатына ие болған түлектер Еуропа мен Американың жоғары оқу орындарында кедергісіз білімін жалғастырып, немесе, кез келген шетелдік компанияға жұмысқа орналаса алады. Сонымен қатар, Малайзияға іс-сапар барысында Оңтүстік Қазақстан делегациясының мүшелерін RIAM технологиялық институтының құрылтайшысы ДаТО Хи Кинг Чион Шымкентте инвесторлардың қаражаты есебінен салынатын халықаралық техникалық колледждің жобасымен таныстырды. Жалпы құны 12 млн. АҚШ долларын құрайтын оқу орны 700 орынға шақталған. Аумағы 8 гектар болатын нысанға 200 адамға арналған жатақхана мен зертхана салу жоспарланған. Малайзияға сапар нәтижесінде, делегация мүшелері ОҚО мектептері мен колледждің оқу бағдарламасына халықаралық талаптарға сай келетін британдық бағдарламаны енгізу керектігін ұсынып отыр. 
БАЛАЛАР МҰНАЙ ЗАУЫТЫМЕН ТАНЫСТЫ
«Петро Қазақстан Ойл Продактс» зауытында Балаларды қорғау күніне орай ашық есік күні өтті. Іс-шараға кәсіпорында еңбек ететін қызметкерлердің балалары қатысып,...
