Қызылорда облыстық Нартай Бекежанов атындағы қазақ музыкалық драма театры гострольдік сапармен Шымкент қаласына келді. Бұл сапар 4 мен 8 қарашаның аралығын қамтымақ. Жұмат Шанин атындағы Академиялық драма театрдың шымылдығын Иран-Ғайыптың «Қорқыт» драмасымен түрді. Сыр өңірінде жүріп түркі жұртына танылған Қорқыт туралы қойылымды көріп, тәңірден безінген сәттеріне куә боласыз. Қобызын қолға алғанда айнала тынышталып, қоңыр үн көрерменнің көкірегіне шуақ болып төгілді. Жаратқанның бұйрығымен жанын алуға келген әзірейілмен айтысып, өмір мен ажал түйсін сипаттайды. Қорқытты ажалдан тек қобыз сарыны ғана құтқарып қалған. Міне осындай аңыз бен тарихты ұштастырып жеткізген қойылымды Оңтүстік Қазақстан облысының әкімі де тамашалады. Айта кетейік Қызылорда облысынан келген театр ұжымы сапардың соңғы шымылдығын 7 қараша күні «Абай» трагедиясымен аяқтамақ.
Бағлан БАЙКӨБЕКҚЫЗЫ
о
