2 қараша 2015 жыл.
«Д.Т. Ақышевты Қазақстан Республикасы Ұлттық Банкінің Төрағасы қызметіне тағайындау туралы» Жарлыққа ҚР Президенті Н.Назарбаев қол қойды.
Данияр Талғатұлы Ақышев 1976 жылы 25 мамыр күні Алматы қаласында туылған. Қазақ Мемлекеттік басқару Академиясын үздік бітірген (1996), экономист. Әр түрлі елдерде, соның ішінде АҚШ, Жапония, Оңтүстік Корея, Австрия, Түркияда т.б. халықаралық қаржы ұйымдары мен институттары өткізген курстар мен семинарларға қатысқан (1996-2007). 1995 жылдан — Орталық Азия қор биржасының жетекші экономисі. 1996 жылдан — Монетарлық зерттеулер мен қаржы нарықтары басқармасының бастығы. 2003 жылдан — ҚР Ұлттық банкі Зерттеулер мен статистика департаментінің директоры. 2007 жылдың тамызынан бері — ҚР Ұлттық банкі төрағасының орынбасары. Кейінгі уақыттарда Қазақстан Президенті әкімшілігінің Әлеуметтік-экономикалық мониторинг бөлімінің меңгерушісі. Қазақ, орыс және ағылшын тілдерін біледі. Үйленген. Жұбайы — Ақышева Зәуре Мырзабайқызы. 3 баласы бар.
