Облыстық консультативтік-диагностикалық орталығында соңғы жылдары қызмет көрсету сапасы жақсара түскен. Айталық, мұнда өткен жылы жаңа медициналық зертхана іске қосылып, нәтижесінде күніне 5 мыңға дейін талдау қабылдауға мүмкіндік туып отыр. Яғни заманауи жүйемен жабдықталған зерттеу орнында барлық жұмысты арнайы қондырғылар атқарады. Мәселен жыл басынан бері мұнда 656 мыңнан астам тегін сынама жасалса, орталықтың бұл көрсеткішті көбейтуге әлі де мүмкіндігі мол.
Облыстық консультативтік-диагностикалық медицина орталығы – ОҚО бойынша амбулаторлық-емханалық ұйымдар үшін ұйымдастыру-әдістемелік орталық, сонымен бірге өңір тұрғындарына сапалы анализдік талдау қызметін ұсынып келе жатқан бірден бір мекеме. Мұнда өткен жылы ақпараттық жүйемен жұмыс жасайтын медициналық зертхана іске қосылған болатын. Міне осының көмегімен күніне 5 мыңға дейін талдау қабылдауға мүмкіндік туды. Яғни бұрындары күніне мың -1,5 азаматтың қан құрамы тексерілсе, жаңа жүйенің көмегі арқасында бұл көрсеткішті бірнеше есе арттыруға болады екен. Заманауи жүйемен жабдықталған зерттеу орнында барлық жұмысты арнайы қондырғылар атқарады. Сондықтан қарапайым анализдер бірер минут ішінде дайын болса, ең күрделілерінің өзі бір сағат көлемінде анықталады екен. Осылай деген диагностикалық орталықтың бас дәрігері Шолпан Мырзахметова ағымдағы жылдың 9 айында 656 мыңнан астам тегін сынама жасалғандығын айтады.
Абай ОМАР
