Қай-қайсысымыздың болсын өмірімізде елеулі орны бар, біздің туған қаламыз «Шымкенттің» атауы парсыдан ауданғанда «Жасыл қала» деген мағынаны береді. Расында атына заты сай Ұлы Жібек жолының бойында орналасқан жасыл желекке бөленген қаланың қай тұрғыны болсын алып шаһармен мақтанады. Бүгінгідей дәулеті мен сәулеті жарасым тапқан қаланың туылған күні биылғы «Қазақ хандығының 550 жылдығын» атап өтумен қатар келіп отыр. Бұл да болса терең тарихтан тамыр тартқан құт мекеніміздің мерейін асқақтатқаны. Осыған орай салтанатты кеш басталмас бұрын театарланған көрініс көрсетілді.
Қазірде Шымкент Измир, Самбул, Могилев сынды шетелдік сегіз қаламен бауырлас. Туристер мен өнертанушылардың, тарихшылар мен археологтардың ерекше қызығушылығын туғызып отырған көне әрі жаңа, жасыл әрі таза қала. Барша қала қонақтары мен тұрғындарын өңір басшысы Бейбіт Атамқұлов пен қала әкімі Ғабидолла Әбдірахымовтар арнайы құттықтап, шаһарымыздың одан әрмен көркеюіне әлі талай игі істер атқарылатындығын айтты.
Биылғы жылы қала күні мерекесі қарсаңында 4 бірдей тұлға «Шымкент қаласының Құрметті азаматы» атанды.. Мерекелік құттықтаудан соң бірінші болып ұзақ жылдар бойы қаланың өркендеуіне үлес қосқан «Айғақ» телеаранасының басшысы, облыс мәслихатының депутатты Дулат Әбіш Назарбекұлына облыс басшысы мен қала әкімі аталаған төсбелгіні табыс етті. Мұнан соң облыстық мәслихаттың 3 — ші, 4 — ші және 5 — ші шақырылымының депутаты, қоғамдағы ең өзекті мәселелерді көтеріп, билік басына жеткізіп жүрген белсенді халық қалаулысы Жамалбек Шәріпбек Жамалбекұлы марапатталды.
Сондай-ақ даңқты спортшы, ұлағатты ұстаз Мардан Сапарбаевтың өмірлік жары, бүгінде жолдасының есімімен аталатын Оңтүстік Қазақстан гуманитарлық университетінің ректоры Гүлшара Сапарбаева да 3- қаланың «Құрметті азаматы» атанды. Және әлем чемпионы, талай спорт бәсекелерінде қала атын асқақтатып жүрген Азияның абсолютті чемпионы Валида Ескендірова да құрмет төрінен көрінді.
Мерейлі мерекенің аясында қала тұрғындары түрлі іс шаралардың кәугері болды. Жылдағыдан айрықша аталып өткен қала күні мерекесінің әр сәті ерекше іс-шаралармен есте қалды. Әннен шашу шашылды, биден думан көрсетілді. Құрметті азаматтарын да марапаттады. Өз кезегінде жерлестеріміз қаламызға арналған ақ тілегі мен жүрек жарды лебіздерін де жеткізіп жатты.
Сонымен бұл күні Шымкенттің «Құрметті азаматтарының» қатары қоғамдық өмірде белсенді тұлғамен, білікті журналистпен, ұлағатты ұстазбен және даңқты спортшымен толықты. Қаламыз жыл өткен сайын көркейіп, әлем таныған алып шаһарға айналсын. Сізде әсем қаланың патроиты болыңыз.
Ботагөз МӘДІБЕК
