«Мемлекет басшысы Н.Назарбаевтың Өкімімен Дәулет Оспанов «Батыс» өңірлік қолбасшылығы әскерлерінің қолбасшысы қызметіне тағайындалды, ол Қазақстан Республикасы Қарулы Күштерінің Аэроұтқыр әскерлерінің қолбасшысы қызметінен босатылды»,-делінген Ақорданың ресми сайтында жарияланған хабарда.
Жерлесіміз Оспанов Дәулет Рыскұлбекұлы 1970 жылы 24 қараша күні Оңтүстік Қазақстан облысы, Бірінші Мамыр ауылында туылған. Генерал-майор. Орта мектептен кейін Рязань жоғары эскери командалық байланыс училищесін, ҚР ҚК Әскери академиясын бітірген. Рязань ЖӘКБУ тыңдаушысы, Жеке гвардиялық десанттық-шабуыл бригадасы байланыс ротасы байланыс взводының командирі, десанттық-шабуыл батальоны взвод командирі — байланыс бастығы, штабтық рота командирі, батальон командирінің орынбасары — штаб бастығы, батальон командирі, жеке десанттық-шабуыл батальонының командирі (1992— 98), ҚР ҚК Әскери академиясының тыңдаушысы, Жеке гвардиялық десанттық-шабуыл бригадасы тыл бойынша бастығынын (тыл ұйымдастыру-жоспарлау жұмысы бойынша) орынбасары, бригада командирінің тыл бойынша орынбасары — жеке гвардиялық десанттық -шабуыл бригадасы тыл бастығы, Жеке десанттық-шабуыл бригадасы командирінің орынбасары — штаб бастығы, бригада командирі (1998-2008), ҚР ҚК Аэроұтқыр әскерлері қолбасшысының орынбасары, қолбасшының әскери дайындық жөніндегі орынбасары — қолбасшы басқармасының жауынгерлік дайындық Басқармасының бастығы (2008-10), 2010 жылы сәуірінен ҚР ҚК Аэроұтқыр әскерлері қолбасшысының бірінші орынбасары — Аэроұтқыр әскерлері штабының бастығы. 2-дәрежелі «Айбын» орденімен, медальдармен марапатталған.[1]
