Кәсіпкерлердің өз кәсібін бастауға, шаруасын одан әрі жалғауға септігі мол «Фермер жолсерігі» атты кітап жарық көрді. Өндіріс пен ғылымды және бизнесті ұштастырып, ортақ салаға тоғыстырған кітап 7 бөлімнен тұрады. Онда мал, егін, құс, ара шаруашылығына қатысты ақпараттар мен кеңестер жарияланған. Кәсіпкерлерге жол басшы болатын кітапта өңірдегі әр ауданның климатына қатысты өзгерістер мен ерекшеліктерде бейнеленіп, кеңінен жазылған. Аудан табиғаты қай бағытқа қолайлы яғни қандай шаруашылықты дамытуға мүмкіндігі туралы кеңес беріледі. Ең бастысы, кәсібін енді бастайтын жас кәсіпкерлерге бизнес жоспардың үлгілері де бар. Аталмыш жоба шаруаларға үлкен мүмкіндік береді. Жалпы ауыл шаруашылығы саласындағы технологиялар жинақтаған кәсіпкерлерге қолжетімді туындының сәрсенбіде тұсаукесері өтті. Облы әкімдігінің қолдауымен жарық көрген кітап 2000 дана болып шығарылды. Қазіргі таңда атамыш кітапты кәсіпкерлік мектебінен дәріс алып, кәсібін бастаймын деген азаматтарға тегін беріледі. Ал, болашақта өзге де кәсіпкерлерге сатылымға шығару жоспарда бар.
Еңлік Заманхан
