1985 жылдың қаңтар айында іске қосылып, өз жұмысын бастаған «ПетроҚазақстан Ойл Продактс» компаниясы биыл өзінің 30 жылдық мерекесін тойлап отыр. Бұл күні компанияның ауласында 2 бірдей киіз үй тігіліп, дастархан жайылды. Келген қонақтардың қатарында ауыл ақсақалдары, түрлі компанияның жетекшілері бар.Сондай-ақ, қала әкімі де арнайы ат басын бұрып, жүрекжарды лебізін білдірді. «Жақсының жақсылығын айт нұры тасысын». «ПетроҚазақстан Ойл Продактс» компаниясының басшылары әрдайым қоғамның әлсіз мүшелеріне көмек қолын созудан бас тартқан емес. Әлеуметтік аз қамтылған отбасыларға қаржылай көмектесіп, мүмкіндігі шектеулі жандарға қажетті заттарын алып беруде алдына жан салмайды. Сондай-ақ, балалар үйіне де жиі барып, олармен тығыз қарым-қатынас орнатқан. Мереке қарсаңында мұнай-газ, энергетика саласында сіңірген көп жылдық адал еңбегі, қосқан үлесі үшін бір топ қызметкерлер марапатқа ие болды.
Гүлшырын ЖҰМАБАЙ
