Құрметті Шымкент қаласының тұрғындары! Елімізде енгізілген Төтенше жағдайға байланысты адамдар көп шоғырланған жерлерге бармауларыңызды, көшелерде негізсіз жүрмеулеріңізді тағы да сұранамыз. Аса қажеттілік туындаған жағдайда барынша сақтық шараларын ұстанып, бетперде киюді ескертеміз. Шымкент қаласы әкімдігі ұйымдастырған шаһардағы дезинфекциялау жұмыстары қазіргі таңда саябақтар мен қоғамдық орындарда үздіксіз жүргізілуде. Мәселен, 25 наурыз күні Арбат алаңы мен Shymkent Plaza ойын-сауық кешені аумағын әскерирлер залалсыздандырды.
