Түркістан облысына Қазақстан Республикасы Еңбек және халықты әлеуметтік қорғау министрі Нұрымбетов Біржан Бидайбекұлы келді, деп хабарлайды «Айғақ-Ақпарат» тлшісі.
Министр сапарын әуелі рухани астанадағы «Халықты жұмыспен қамту» орталығынан бастады. Үкімет мүшесі ғимаратқа енген бетте көп балалы және әлеуметтік аз қамтылған отбасылар оны ортаға алып, АӘК алу барысында орын алған кейбір оқылықтарды ашып айтты. Тұрғындардың көтерген мәселесін толық тыңдаған министр Біржан Нұрымбетов арыз айтқан аналардың мәселесін шешуді тиісті басқарма басшыларына тапсырды. Сонымен қатар, атаулы әлеуметтік көмектің 2020 жылға арналған жаңа бағытын түсіндіріп, жұмыспен қамту орталығы қызметкерлерінің жұмыс барысын бақылады.
