«Атамекенде» жолаушылар тасымалы мәселесі қаралды

   Қала көлігі мен жолаушылар мен багажды тасымалдау саласында жұмыс істейтін кәсіпкерлер Атамекенде бас қосты, деп мәлімдейді «Айғақ-Ақпарат».

Мұнда жаңа бағыттағы автобустар бойынша мәселелер талқыланды. Сонымен қатар, ескірген автокөліктерде назардан тыс қалмады. 2018 жылдың басында ҚР Премьер Министрінің тапсырмасы бойынша жолаушылар автобус тасымалын дамытудың кешенді бағдарламасы әзірленген болатын. Осы құжатқа сәйкес барлық аймақтарды субсидиялау қарастырылған. Алайда, қазіргі таңда Шымкент қаласында тасымалдаушылардың шығындарын субсидиялау мәселесі шешілмей келеді.

«Цифрлы Қазақстан» мемлекеттік бағдарламасын жүзеге асыру бойынша Шымкент қаласында жол картасы әзірленген. Аталған жол картасына сәйкес 2 жоба енгізіліп отыр. Соның бірі – қоғамдық көліктерге электронды билет жүйесін енгізу. 2009 жылдан бастап қаралып келе жатқан төлем төлеу жүйесі әлі күнге дейін өз шешімін таппай келуде. Жыл басынан бері мегаполистегі қоғамдық көліктер электронды билет жүйесін енгізу жұмыстары басталған болатын. Бірнеше бағытта жүзеге асырылатын пилоттық жоба аясында қала тұрғындары автобустарға билет құнын SMS немесе  QR-код арқылы төлей алатын болады. Жыл басынан бері көтеріліп келе жатқан көліктерге байланысты мәселелер тізімі тізбектелді.  Солардың бірі кадр жетіспеушлік, жүргізушілердің тәжірбиесін дамыту үшін оқыту орталығының жоқтығы. Бұл мәселелерде жұмыс тобы арнайы құрылып, ақпараттарды жинайтын болады. Қыркүйек айының 1 күніне дейін уақыт мерзімі белгіленді.