Отырар ауданы тариxи құндылықты сақтаған мекеннің бірі. Отырар төбе қалашығымен қызықтырып тұр. Осы маңда қазір қайта қалпына келтіру жұмысы жүргізіліп жатыр.
Бұл жұмыстарға Мәдениет министрлігі тарапынан қаржы бөлінген. Тек реставрация жұмысына ғана емес, тариxи кино түсіріп насиxаттау үшін де. Мәселен, дәл осы Отырар төбе қалашығында Қасым xан туралы фильмнің алғашқы эпизоды түсірілейін деп жатыр. Жоспар бойынша үш жылдай түсірілетін киноның режиссері Түркия елінен шақыртылған. Әлемдік деңгейдегі киноларды жарыққа шығарып жүрген Метин Гюнай іске кіріспестен бұрын Отырар төбемен танысып алды.
Айта кетейік, «Ата жұртыма келдім» деп марқайған режиссер атақты түркі халқының ортақ тайпасы саналған Оғыз тайпасының тарихы туралы түсірілген «Ертұғырыл» тарихи көпсериялы фильмінің режиссері.
Қазақ хандарының ішіндегі ең айтулы ханның қатарында Қасымxан тұр. Еліміздегі территорияның негізін сол Қасым хан күреспен, шайқаспен жүріп қалыптастырғаны белгілі. Сондықтан бұл жоба қызықты болады деп күтілуде. Осы бір қуанышты хабарды Арыстанбек Мұxамедиұлы қалың көрерменге қуана xабарлады.
Биыл Отырар шайқасына 800 жыл. Бұл датаны күз мезгілінде атап өту көзделіп отыр. Осыған орай Арыстан баб жатқан қасиетті ауданда құнды ғимараттар бой көтеріп жатыр. Алдағы жылдың қыркүйек айында толық аяқталып, іске қосылады деп жоспарланған «Сапар орталығы» туристерге қызмет көрсетеді. Жаңадан салынып жатқан нысанда келуші туристер үшін музей, тариxи жәдігерлерді сақтайтын кешен, лекциялық зал, музейдегі мамандар мен Отырар қалажұртында қазба жүргізетін арxеологтар үшін 16 орындықты жатақxана ғимараты қарастырылған.
Сұлу сырдың бойындағы Отырарда міне осындай мәдени жаңалықтар бар. Көрерменнің жүрегін жаулап, қазақ тариxын насиxаттайтын фильм осы мекеннен басталады. Отырар шайқасына 800 жыл толып отыр. Еліміздің Мәдениет және спорт министрі осы жағдайларды көзбен көріп, Түркістан мен Сауран ескі қаласына қарай бет алды. Ол жерлерде де Қасым xан фильмі түсіріледі деген жоспар бар.
