001332.00_02_55_21.Still007

Түркістаннан бастау алған «Денсаулық» фестивалі Қошқар ата маңында жалғасын тапты

Түркістан өңірінен бастау алған «Денсаулық» фестивалі Шымкентке келіп жетті. «Салауатты өмір салтын қалыптастыру» орталығының ұйымдастыруымен өткен шара Қошқар ата маңында жалғасты. Акцияға қатысушылар — қала тұрғындары. Шараның мақсаты — халық арасында белсенділік пен салауатты өмір салтын қалыптасытру болып табылады.

0001EL.07_51_37_00.Still001

Спорттық шараға қатысушылардың жас ерекшелігінде шектеу болмады. Бұл күні үлкені мен жасы да суға түсіп,  дене шынықтыруда. Себебі, Қошқар ата бұлағының емдік қасиеті мол, дертке дауа. Мұнда соңғы жасалған жөндеу жұмыстарынан кейін келушілер қатары да артқан.

 Денсаулық акциясы тек суға түсумен ғана шектелмеді. Сонымен қатар, жастар арасында спорттық жарыстар мен тегін медициналық көмектермен жалғасты.  Оған қалалық емхана дәрігерлері «Денсаулық қалашығын» құрған. Қаз-қатар тізілген дәрігерлерге акцияға қатысушылар мен келген қонақтар қан қысымын өлшетіп, ішкі құрылыстарын тегін тексертуге мүмкіндік алды.

 

001332.00_01_35_03.Still004

2000-шы жылдан бастап өтіп жатқан Денсаулық фестивалі Қошқар ата бұлағында алғаш рет өткізілуде. Аталмыш саябаққа билік басындағылардың көңіл бөліп,  абаттандыруынан кейін шетелден кем түспейтін келбетке енген. Сондықтан қала тұрғындары акция күндерін күтпей мұнда жиі келіп тұрамыз дейді.

Жыл сайын өткізілетін фестиваль концерттік бағдарламамен жалғасып, тұрғындарға көтеріңкі көңіл күй сыйлады. Жексенбі күнгі нағыз демалысқа айналған шара келесі жылы да дәстүрлі түрде өтетін болады.

Аруна Пернебек




Добавить комментарий

Ваш e-mail не будет опубликован. Обязательные поля помечены *

error: Content is protected !!