nazarbaev-skemen

Назарбаев медицинадағы роботтандырылған хирургия жүйелерінің тиімділігіне тоқталды

Қазақстан Президенті «№1 Өскемен қалалық ауруханасы» коммуналдық мемлекеттік кәсіпорнының Роботтандырылған хирургия орталығына барды», деп хабарлады мемлекет басшысының баспасөз қызметінен.

skemen-auruhana

«Қазақстан Президенті «№1 Өскемен қалалық ауруханасы» коммуналдық мемлекеттік кәсіпорнының Роботтандырылған хирургия орталығына барды. Орталықты аралау барысында Мемлекет басшысына заманауи операциялық-цифрлық кешеннің жұмысы мен оның даму перспективалары жөнінде баяндалды», — делінген бейсеебіде Ақорда сайтында жарияланған хабарда.

Сонымен қатар, Қазақстан Президенті телекөпір режімінде облыстың Аягөз және Зырян аудандарындағы инсульттік орталықтардың ұжымдарымен әңгімелесті.

Елбасы шалғай елді мекендерде медициналық орталықтар салу мақсатымен мемлекет тарапынан атқарылып жатқан жұмыстардың нәтижелеріне тоқталды.

Н.Назарбаев Мемлекет басшысы жүрек-қан тамыры ауруларын емдеу сапасын жақсартудың және бала мен ана өлімінің алдын алудың маңыздылығын атап өтті.

semen-auruhana

«Қазақстанның әрбір облысында жүрек-қан тамыры ауруларынан қайтыс болатындардың санын азайту мақсатымен жүрекке ота жасайтын медициналық орталықтар салынды. Қазіргі уақытта өлім-жітім көрсеткішін төмендете алдық», — деді мемлекет басшысы.

Сонымен қатар, Нұрсұлтан Назарбаев саламатты өмір салтын насихаттау арқылы түрлі аурулардың алдын алу қажеттігін айтты.

«Біздің денсаулығымыздың 10-15 пайызы ғана дәрігерлер мен медицинаға, қалғаны өзіміздің өмір сүру салтымызға байланысты. Болашақ нәрестенің денсаулығы ананың денсаулығына байланысты екенін түсіндіру қажет», — деп атап өтті Қазақстан президенті.

Мемлекет басшысы денсаулық сақтау саласындағы роботтандырылған хирургия жүйелерінің тиімділігіне тоқталды.

Осыған орай Елбасы медицина саласындағы кадрларды сапалы даярлауды қамтамасыз етудің қажеттігін де атап өтті.

Соңында Қазақстан Президенті орталықтың қызметкерлеріне және емделушілерге зор денсаулық пен табыс тіледі.




Добавить комментарий

Ваш e-mail не будет опубликован. Обязательные поля помечены *

error: Content is protected !!