Ұлттық Домбыра күніне орай Екібастұз қаласында биіктігі жеті метрді құрайтын домбыра орнатылады, деп хабарлайды pavlodarnews.kz тілшісі. Ұлттық аспапты балалар техникалық мектебінің педагогтары мен студенттердің еңбек жасақтары дайындаған. Бұл күні Глинка атындағы музыка мектебінің 60 домбырашыдан құрылған ансамблі бір мезгілде күй орындайды. «Шахтер» мәдениет және демалыс саябағында ағаштан және қағаздан домбыра дайындау бойынша шеберлік сыныптары өткізіледі. Кешке қаланың шығармашылық ұжымдарының қатысуымен өтетін театрландырылған қойылымдарда домбыраның пайда болуы мен оның даму тарихы туралы айтылады. Бос уақытты қамту орталықтары мен музыка мектебінің вокалдық ұжымдары домбырада 20-дан астам танымал шығарма ойнайды.
Екібастұзда биіктігі жеті метр домбыра орнатылады
Алдыңғы жаңалықҚазақстан жолдарында көліктік бақылаудың жаңа ережелері күшіне енді
Келесі жаңалықСолтүстік Қазақстан облысында 2021 жылға дейін 14 мыңға жуық жаңа жұмыс орны ашылады
