img-20180512-wa0036

БУРСА ҚАЛАСЫНДА «ЯССАУИ МҰРАЛАРЫ ЖӘНЕ ТҮРКІСТАН» КӨРМЕСІ АШЫЛДЫ

Түркия Республикасының Бурса қаласында «Әзірет Сұлтан» мемлекеттік тарихи-мəдени қорық-музейінің «Яссауи мұралары және Түркістан» көрмесі ашылды, деп хабарлады «Әзірет Сұлтан» қорық-музейінің баспасөз қызметі.

img-20180512-wa0016
Шараға Бурса қаласының губернаторы Мұстафа Дүндар, қала басшылығы мен қызметкерлері, зиялы қауым өкілдері мен  тарихшы ғалымдар, бұқаралық ақпарат құралдары қатысты.

fb_img_1526116617660
Көрменің лентасын Бурса қаласының губернаторы Мұстафа Дүндар мен «Әзірет Сұлтан» мемлекеттік тарихи-мəдени қорық-музейінің директоры Ахметжанов Нұрболат Қадырұлы салтанатты түрде қиып, жиынға қатысушыларды тарихи күнмен құттықтады.

img-20180512-wa0013
Алыста жүрсе де рухына тағзым етіп, қасиетіне бас иген түркиялық бауырлар Түркістанның киелі топырағынан келген әрбір құнды дүниеге зор ықылас, ерекше ілтипатпен назар салып, қуаныштарын да жеткізді.
Көрмеге Қожа Ахмет Яссауидің және Құл Азимнің хикметтері, шамамен 1845 жылдары жазылған, 326 беттен тұратын Қожа Ахмет Яссауидің «Диуани Хикмет» кітабының түпнұсқасы, С.Бақырғанидың «Диуан» жазбасы, Яссауи хикметтеріне ұқсас парсы тілінде жазылған Әулие Биделдің «Диуани Бидел» хикметтері, шамамен ХҮІІІ ғ. аяғында түркі тілінде жазылған «Диуани Хикметтен» кейінгі Яссауиге қатысты құнды кітап -Бустан уль-Мухиббин қолжазбасы мен көптеген құнды жәдігерлер жеткізілген.

img-20180512-wa0029
Сондай-ақ, Қожа Ахмет Яссауи және Түркістан жайындағы суреттермен қатар Оңтүстік Қазақстан облысының тарихи, киелі орындарын бейнелейтін 100-ден аса туындылар қойылған.

img-20180512-wa0024
ТҮРКСОЙ Халықаралық Ұйымының ұйымдастыруымен «Кастамону-Түркі әлемінің мәдени астанасы» жылы және «Әзірет Сұлтан» мемлекеттік тарихи-мәдени қорық-музейіне 40 жыл толуына орай ұйымдастырылған көрменің мақсаты- Елбасы Нұрсұлтан Әбішұлы Назарбаевтың «Болашаққа бағдар: рухани жаңғыру» мақаласындағы: «Жа­һан­дағы заманауи қазақстандық мәде­ниет» жобасын іске асыру,  түркітілдес елдердің бас иген Қожа Ахмет Яссауи мұралары мен тарихын танытатын құнды жәдігерлерін айшылық алыс жерлердегі жұртқа насихаттау, киелі, рухани жерлерді дәріптеу, шетел халқына елімізді, мәдениетімізді таныту болып табылады.
Бұған дейін Түркия Республикасының Кастамону, Анкара қалаларында ашылған көрмені мыңдаған халық тамашалап, киелі өңір келбеті мен жәдігерлеріне қызығушылық танытса, Бурса қаласындағы жәдігерлер де 15 мамырға дейін тұлғалар тарихынан сыр шертпек.




Добавить комментарий

Ваш e-mail не будет опубликован. Обязательные поля помечены *

error: Content is protected !!