Нығматулин Ресейдің Қазақстандағы елшісін қабылдады | "Айғақ" ақпараттық порталы
210

Нығматулин Ресейдің Қазақстандағы елшісін қабылдады

Бүгін мәжіліс төрағасы Нұрлан Нығматулин Ресейдің Қазақстандағы Төтенше және Өкілетті елшісі Алексей Бородавкинді қабылдады, деп хабарлады baq.kz ақпарат агенттігі.

Тараптар екіжақты, соның ішінде, парламентаралық ынтымақтастықты нығайтудың өзекті сұрақтарын талқылады.

Нығматулин атап өткендей, Ресей Қазақстанның стратегиялық әріптесі, сенімді досы және тату көршісі. Өткен жылы қос мемлекет арасында дипломатиялық қатынастың орнағанына 25 жыл толды.

Мәжіліс төрағасының пікірінше, Қазақстан мен Ресей Президенттерінің терең түсіністік пен достыққа негізделген салиқалы саясаттарының арқасында біздің елдеріміз өзара әріптестіктің жоғарғы көрсеткіштеріне қол жеткізді.

Маңызды бағыттар қатарында Н. Нығматулин аймақаралық және шекаралық ынтымақтасты, Еуразиялық кеңістікте интеграциялық бірлестіктер аясында өзара іс-қимылды атады.

Өз кезегінде А. Бородавкин Қазақстанмен достық қатынасты дамыту зор маңызға ие екенін алға тартып, екі ел арасындағы ауқымды жетістіктерге тоқталды.

Екі елдің Парламент өкілдері ТМД ПАА аясында ұлттық заңнамаларды үйлестіру бойынша табысты еңбек етіп, ЕурАзЭО заңнамалық базасын қалыптастыруда бірлесе белсенді жұмыс істеуде.

Мәжіліс төрағасы елшіні жаңа қызметке тағайындалуымен құттықтай келіп, А. Бородавкиннің дипломатиялық жұмыстағы мол тәжірибесі біздің елдеріміз арасындағы байланысты жан-жақты тереңдетуге ықпал ететініне сенім білдірді.

 




Добавить комментарий

Ваш e-mail не будет опубликован. Обязательные поля помечены *

error: Content is protected !!