Дархан даланың нақ төсінде жатқан киелі мекен Түркістанның тарихы тереңде. Рухани тамырынан нәр алып, ізгіліктің қамбасы мен сансыз баптар сайраған, төрт түлігі қайнаған өлкеге табаның жерге тиген тұстан-ақ ерекше сезімге бөленесің. Жан дүниең жаңарып, көңілге түрлі ой салатын ерекше сабырлық бар бұл әлемде. Аспаны қандай тұнық еді! Осынау ұлық мекенді пендесіне тарту еткен Жаратушының құдіреттілігі шексіз. Қатты жерге қақ тұрса, қайратты ерге бақ тұрар. Сірә, киелі Түркістан топырағында өсіп өнген пенденің жаратылысында тұлғалық келбеті ерекше қалыптасуы заңдылық та шығар. Өнегелі өмірінде өзгеге үлгі бола алған азаматтың бірі Баймахан Сүлейменов. Түркістан жұрты Сүлейменовті естігенде алдымен Тоймахан қарияны еске алады. Уақтысында еліне қолынан келген көмегін көрсетіп, жетімдердің жебеушісі, әлеуметтік аз қамтамасыз етілгендердің қолдаушысы бола білді. Әттең, тағдырдың жазғанысолай болар, Тоймахан қарияны ажал небәрі арамыздан 57 жасында алып кете барды. Тоймахан Сүлейменовтің салған ізі Түркістанда әлі сайрап жатыр. Жапырағын бәйтерек боп төккен ардақты әкенің жолын жалғаған ұл-қыздары бүгінде өсіп-өнген өнегелі әулет. Отбасындағы ырыс-ынтымақтың, бақ-берекенің салтанат құруы – тәлімді тәрбие мен санаға сіңіріп өскен ауызбіршілік. «Ағайын тату болса алыстағы келеді» дейді дана қазақ. Әулеттің үлкен келіні Дана жеңгеміздің ақ дастарханы қашан да жаюлы. Ұлттық дәстүр жолымен, бақ мекеннің отын маздатып отыр. Отбасы мүшелерінің жүздеріндегі жылулық жан самалының жарқын екендігін айқындап тұр.

Баймахан Сүлейменов – Оңтүстік Қазақстан облысы мәслихатының депутаты, Түркістан қаласының «Құрметті азаматы», «Тұрмыстық қызмет» ЖШС-ін басқарады.

Салтанат Тойболова