a5e5de9826f080d68edff5cba72940cb_resize_w_520_h_

Биыл барлық имам аттестациядан өтеді – ҚМДБ

Имамдарды аттестациялаудың жаңа ережесі бекітілді. Осы ережеге сай діни қызметкерлер жан-жақты сынақтан өтеді. Бұл туралы Қазақстан Мұсылмандары Діни басқармасының наиб мүфтиі Алау Әділбаев мәлімдеді, деп хабарлайды Baq.kz тілшісі.

«Имамдардың білім деңгейі мен біліктілігін арттыру мақсатында оларды аттестациялау, тағайындау және ұсынудың жаңа тәртібі қалыптаса бастады. ҚМДБ ғұламалық кеңесі имамдарды аттестациялаудың жаңа ережесін бекітті. Осы ережеге сай діни қызметкерлер жан-жақты сынақтан өтеді», — деді наиб мүфти ҚР Дін істері және азаматтық қоғам министрлігінің кеңейтілген алқа отырысында.

Сонымен қатар ол ҚМДБ өз жұмысын жандандыру мақсатында электронды жүйеге сатылап көшетінін атап өтті.

«Бірінші блок бойынша діни кадрлардың базасы жасалады. Екінші блок бойынша түзеу колониясындағы жұмыстар бақылауға алынады. Ал үшінші блок бойынша шетелдегі студенттердің бірыңғай базасы құрылады. Бұл жоба алдағы уақытта толық іске қосылады», — деп түйіндеді сөзін Алау Әділбаев.

Дереккөз: Baq.kz




Добавить комментарий

Ваш e-mail не будет опубликован. Обязательные поля помечены *

error: Content is protected !!