20170914001626

2024 жылғы жазғы Олимпиада ойындары Парижде өтетін болды

4 жыл сайын ұйымдастырылатын жазғы Олимпиада ойындары 2024 жылы Париж қаласында өтетін болды, деп хабарлайды «ҚазАқпарат» ХАА тілшісі BBC ақпарат көзіне сілтеме жасап. Ал Лос-Анджелес Олимпиаданы 2028 жылы қабылдап алмақ. Осы уақытқа дейін әлемдегі ең ірі шаһарлары саналатын қос қаланың қайсысы Олимпиада ойындарын бірінші өткізетіні белгілі болмаған еді. Үміткерлерге бұл турасында өзара келісімге келу міндеттелген. 31 шілдеде Лос-Анджелес қаласының 2028 жылы Олимпиада ойындарын өткізу туралы ресми түрде өтінім бергені белгілі болған еді. Айта кетерлігі, аталған екі қалада да екі мәрте жазғы ойындар өткізілген болатын. Атап айтқанда, әлемдік дәрежедегі ауқымды спорт сайысын Париж 1900 және 1920 жылы, ал Лос-Анджелес 1932 және 1984 жылы өткізген болатын. Ал алдағы 2020 жылғы жазғы Олимпиада ойындары Токио қаласында өтеді.

Дереккөз: ҚазАқпарат.




Добавить комментарий

Ваш e-mail не будет опубликован. Обязательные поля помечены *

error: Content is protected !!