Оңтүстік Қазақстан облыстық мәслихатының бюджет және экономиканың дамуы жөніндегі тұрақты комиссиясы төрағасының орынбасары Жамалбек Шәріпек Жамалбекұлы мәслихаттың сессияларында айтқан сауалдары мемлекеттік органдар тарапынан қаралып, тиісті жауаптар берілді.
Сауал: Облыстық ішкі саясат басқармасының «Түркістан – 2017 жыл Түркі әлемінің мәдени астанасы» іс-шаралар жоспарларына сәйкес 2017 жылдың тамыз айында Түркі әлеміндегі әдеби журналдары редакторларының ІХ-шы форумын өткізуге 13 887 мың теңге қарастыру.
Жауап: «Мемлекеттік ақпараттық саясат жүргізу жөніндегі қызметтер» бағдарламасынан мемлекеттік сатып алу процедураларынан үнемделген 7887 мың теңге және «Жергілікті деңгейде мемлекеттік ішкі саясатты іске асыру жөніндегі қызметтер» бағдарламасынан үнемделген 6000 мың теңге, жалпы 13887 мың теңге қаржы бағытталуда.
Сауал: Бәйдібек ауданының білім бөліміне қарасты білім беру ұйымдарына 2, 5, 7-сыныптарға оқулықтар сатып алу үшін қажетті 50 655 теңге қосымша қаржы облыстық бюджеттен бөлу.
Жауап: Бәйдібек ауданының білім бөліміне қарасты білім беру ұйымдары оқушыларын қажетті оқулықтармен қамтамасыз ету үшін аудандық білім бөлімі тарапынан ұсынылған есептеулер мен негіздемелерін қайта қарау есебінен қосымша қажетті қаржы көлемі 44 264 мың теңгені құрады. Аталған шығындарды аудан бюджетінің кіріс көздері, оның ішінде төлем көзінен салық салынатын табыстардан ұсталатын жеке табыс салығын 50 пайыздан 61,8 -ге өзгерту есебінен шешуді ұсынамыз.
Сауал: Бәйдібек ауданы, Ағыбет ауыл округі, Жаңаталап ауылындағы 100 орындық «Жаңаталап» мектебінің құрылысына
Жауап: 2017-2019 жылдарға арналған облыстық бюджетті қалыптастыру барысында білім саласы бойынша бірінші кезекте шешуді қажет ететін басымдықтарға 150 орындықтан жоғары апатты, үш аусымды және ыңғайластырылған мектептердің құрылысы мәселелерін шешу көзделген. Осыған байланысты аталған жобаны жергілікті бюджет есебінен қаржыландыруды ұсынамыз.
Сауал: Бәйдібек ауданы, Шалдар ауылындағы 140 орындық балабақшаның құрылысына
Жауап: Аталған нысанның құрылысын мемлекеттік-жекешеменшік әріптестігі механизмі арқылы іске асыру жоспарланған. 2016 жылы жоба тұжырымдамасы және конкурстық құжаттамасы әзірленіп, тиісті сараптама қорытындылары алынып, ағымдағы жылы жеке әріптестікті айқындау бойынша конкурс жарияланған. Ағымдағы жылы, конкурс нәтижесі бойынша жеке әріптес анықталып, келісім- шартқа тұру процедурасы жүргізілуде.
Сауал: Бәйдібек ауданы, Шаян ауылдық округі, Шаян елді мекеніндегі Қарашаұлы, Әуезов, Шөкеев көшелерін абаттандыру және жарықтандыру.
Жауап: Бюджеттің мүмкіншіліктерін ескере отырып, бірінші кезекте Ақбастау елді мекенін абаттандыру жұмысына 80 000 мың теңге қарастырылуда. Ал, қалған жобалардың мәселелері кезекті облыстық бюджетті нақтылау барысында шешілетін болады.
Сауал: Бәйдібек ауданы, Шаян ауылдық округі, Шаян елді мекеніндегі мәдени-бұқаралық іс-шаралар өткізуге арналған алаңды және орталық саябақты абаттандыру
Жауап: Бюджеттің мүмкіншіліктерін ескере отырып, бірінші кезекте Ақбастау елді мекенін абаттандыру жұмысына 80 000 мың теңге қарастырылуда. Ал, қалған жобалардың мәселелері кезекті облыстық бюджетті нақтылау барысында шешілетін болады.
Сауал: Бәйдібек ауданы, Кеңестөбе, Бірлік, Кеңес, Жолғабас, Жүзімдік, Мыңбұлақ, Мәдениет, Қосбұлақ, Бестоғай, Қайнар, Ақбұлақ елді мекендерін газбен қамтамасыз ету үшін қаржы қарастыру.
Жауап: Аталған жобалардың жер мәселелері шешілмеген (мемлекеттік акт алынбаған)
Сауал: Бәйдібек ауданы, Ақбастау ауылын абаттандыру
Жауап: 2017-2019 жылдарға арналған облыстық бюджетті нақтылауда аталған нысанға облыстық бюджеттен 2017 жылға 80 000 мың теңге бағыттау жоспарлануда.
Сауал: «Бәйдібек аудандық орталық ауруханасы» МКҚК-нына қарасты Шалдар елді мекенінде орналасқан жұқпалы аурулар бөлімін аудан орталығына көшу үшін қаржы қарастыру.
Жауап: Бәйдібек аудандық орталық ауруханасында жұқпалы аурулар бөлімінің құрылысын жүргізу үшін жобалау-сметалық құжаттамасын әзірлеуге 9 420 мың теңге жоспарлануда.