ҚазАқпарат — Оңтүстік Қазақстан облысында ірі жол апаты болып, 5 адам қаза тапты. Тағы бес жолаушы ауыр халде ауруханаға түскен, деп хабарлайды ҚазАқпарат ХАА тілшісі. Келеңсіз оқиға түнгі төрттер шамасында Шымкент-Самара тас жолының Ордабасы ауданы маңында болған. Жүйткіп келе жатқан «Лада» және «Мерседес-220» көліктері бетпе-бет соқтығысып, салдарынан 22 және 27 жастағы екі жүргізуші оқиға орнында жан тәсілім еткен. Олар Бәйдібек және Ордабасы аудандарының тұрғындары екені белгілі болды. Сондай-ақ «Лада» көлігінің 27 және 28 жастағы екі жолаушысы оқиға орнында, тағы 45 жастағы жолаушы ауруханаға бара жатқан жолда жан тапсырған. Ал, «Мерседес» көлігінің 1995, 1997 және 1998 жылы туған 5 жолаушысы түрлі дене жарақаттарын алып, Ордабасы аудандық ауруханасына түсті. Қайғылы оқиға бойынша қазір өңірдің тәртіп сақшылары Қылмыстық кодекстің 345-ші «Көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзу» бабымен іс қозғалып, анықтау шараларын жүргізуде. Бірнеше сот-медициналық сараптамалар тағайындалып, сотқа дейінгі тергеу амалдары қолға алынды.
СЕНАТ ТӨРАҒАСЫ ОБЛЫС ДЕПУТАТТАРЫМЕН КЕЗДЕСТІ
🔰Мәулен Әшімбаев Түркістан облысына жұмыс сапары барысында облыстың барлық деңгейдегі мәслихат депутаттарымен кездесті. Сенат төрағасы халық қалаулыларымен Президент тапсырмасын іске...