Қазақстанда астықтың рекордты көлемі жиналды

ҚР Премьер-Министрі Бақытжан Сағынтаевтың төрағалығымен Қазақстан Үкіметінің селекторлық режимдегі кезекті отырысында биылғы астық өнімінің қорытындысы талқыланды.
 Ауыл шаруашылығы вице-министрі Қайрат Айтуғановтың мәліметі бойынша, астық қабылдау бекеттеріне 4,6 млн тонна астық жеткізілген. Оның ішінде 3,8 млн тоннасы – бидай. 14,5%-ға дейінгі дымқыл бидайдың үлесі жалпы көлемде 57,4%-ы құрайды, бұл өткен жылмен салыстырғанда 24,2%-ға артық.   Астық жинау жұмыстарын жүргізу үшін өңірлер дер кезінде арзандатылған дизель отынының қажетті мөлшерімен қамтамасыз етілді. Ауыл шаруашылығы өнімдерін өндірушілерден астық кептіру үшін қосымша 74 мың тонна дизель отынын бөлу туралы өтінімдер түсті. Үкімет бұл мәселені дер кезінде шешті.
Сонымен қатар, электронды астық қолхаттар айналысына күнделікті мониторинг жүргізіледі. Оның саны бүгінде 2,8 млн тонна жалпы көлемге 17 мыңнан астамға жетті. Электронды астық қолхаттарының ең көп саны негізгі астықты аймақтарда шығарылды: Ақмола облысында  – 7,8 мың, Қостанай облысында – 4,8 мың, СҚО-да – 3,7 мың.

Жемшөп дайындау жұмыстары жүргізіліп жатыр. Бүгінде 23,6 млн тонна ірі азық және 1,2 млн тонна балауса жемшөп дайындалды, бұл сәйкесінше өткен жылғы деңгейден 17% және 69%-ға артық. 2017 жылғы егін үшін 2 млн тоннадан астам тұқым немесе қажеттіліктің 98% себілді. ОҚО, ШҚО, СҚО, Ақмола, Қарағанды, Қостанай, Қызылорда облыстарында тұқым себу жоспарлары орындалды.

Мәлімдеме соңында биылғы жыл, яғни Қазақстан Тәуелсіздігінің 25 жылдығы еліміздің ауыл шаруашылығы үшін айтарлықтай табысты аяқталғаны аталып өтті. Мемлекет басшысының қолдауының арқасында және агробизнес үшін қолайлы жағдай жасауға бағытталған мемлекет саясатының нәтижесінде астықтың рекордты көлемі жиналды.

ҚР Премьер-Министрінің ресми сайты

Ұқсас жазбалар

ЕЛІМІЗДЕ КАДРЛЫҚ РЕЗЕРВКЕ АЛЫНҒАН ПЕДАГОГТЕР 100-ГЕ ЖУЫҚ МЕКТЕПКЕ БАСШЫЛЫҚ ЛАУАЗЫМҒА ТАҒАЙЫНДАЛДЫ

ЕЛІМІЗДЕ КАДРЛЫҚ РЕЗЕРВКЕ АЛЫНҒАН ПЕДАГОГТЕР 100-ГЕ ЖУЫҚ МЕКТЕПКЕ БАСШЫЛЫҚ ЛАУАЗЫМҒА ТАҒАЙЫНДАЛДЫ

Мемлекет басшысының тапсырмасы бойынша өткен жылдан бастап елімізде менеджерлердің кадрлық резервін іріктеу және дайындауға бағытталған «Білім берудегі өзгерістердің 1000 көшбасшысы»...

«АУЫЛ АМАНАТЫ» БАҒДАРЛАМАСЫ БОЙЫНША МИКРОКРЕДИТТЕУДІҢ АҚПАРАТТЫҚ ЖҮЙЕСІ ӘЗІРЛЕНДІ

«АУЫЛ АМАНАТЫ» БАҒДАРЛАМАСЫ БОЙЫНША МИКРОКРЕДИТТЕУДІҢ АҚПАРАТТЫҚ ЖҮЙЕСІ ӘЗІРЛЕНДІ

Ауыл шаруашылығы министрлігі Агроөнеркәсіптік кешеніндегі экономикалық саясаттың талдау орталығымен бірлесіп, «Ауыл аманаты» бағдарламасы бойынша микрокредиттеудің ақпараттық жүйесін әзірледі. Ол кредит...